Keypir tú rúsdrekka fyri tíni børn, hóast tey eru undir 18 ár

Eitt átak er júst farið av bakkastokki, har vit saman við SSP og teimum báðum bryggjaríunum Føroya Bjór og Okkara,
eins og Rúsdrekkasølu Landsins varpar ljós á spurningin, um foreldur
eiga at keypa rúsandi løg til tey, sum enn ikki eru fylt 18 ár.



Hugsjónin aftanfyri felags átakið er, at tað skal ikki vera ráðandi
rúsdrekkamentan, ið er fyrimyndin hjá børnum og ungum. Heldur eiga vit
at skapa eina mentan, har fyrimyndin er eitt virkið umgdómslív uttan
rúsdrekka. Her er umráðandi at arbeiða miðvíst fram ímóti, at at børn og
ung ikki smakka sær á ov tíðliga.



Leikluturin hjá foreldrunum er sera avgerandi, tá slík mynstur skulu
broytast, og tí verður vónað, at foreldrini fara at hugsa seg væl um, tá
ið tey halda, at tey skulu keypa rúsdrekka ella fyri tann skuld bjóða
sínum ungu rúsdrekka.



Nýggja átakið um ung og rúsdrekka hevur longu fingið umrøðu í
miðlunum. Í gjár var eitt lívligt kjak um spurningin í sendingini Góðan
morgun Føroyar, sum til ber at hoyra her.