Meldið til teknikapping

 

Í sambandi við Altjóða Tubbaksfría dagin t. 31. mai skipar Fólkaheilsuráðið fyri eini teknikapping fyri børn og ung:

a.      Børn yngri enn 7 ár

b.      7-10 ár

c.      11-14 ár

 

Ein vinnari verður kosin í hvørjum aldursbólki, og fær hvør vinnari kr. 500 í virðisløn.

 

  • Støddin á tekningunum skal vera 10x10 cm – ikki størri og ikki minni.
  • Skrivið navn, føðingardag og telefonnummar aftanfyri á tekningini.
  • Hvør skúlaflokkur kann senda fleiri tekningar í einum brævbjálva.
  • Boðskapurin í tekningini skal vera at eggja roykjarum til at halda uppat at roykja ella at halda ungum frá at byrja, t.d.:

 

“Royking stinkar”

“Roykfrítt rokkar”

“Hvussu kanst tú siga nei til sigarettir?”

            “Royking er oyðsl av pengum”           

 

Børnini kunnu frítt velja, hvussu tekningin skal síggja út.

Tekningarnar skulu vera Fólkaheilsuráðnum í hendi í seinasta lagi 23. mai kl. 12. Besta myndin í hvørjum bólki verður víst á heimasíðuni www.folkaheilsa.fo.

 

Karsten Hansen, landsstýrismaður handar virðislønirnar í SMS leygardagin 31. mai kl. 13, har allar myndirnar verða vístar fram sama dag.

 

Vit vóna, at tit fara at taka væl undir við kappingini.

 

Tekningarnar skulu sendast til:            Fólkaheilsuráðið

     J.C. Svabosgøta 43

100 Tórshavn